Bega me Maine ma loyo wudi onyo MaineHousing gi tye ka miyo kony ki tic ma weko bedo yot bot jo me Maine me wilo ot. Wic dano 90,000 binongo kony i mwaka man ki i proguram man. Kony me proguram twero bedo:

Kony me wilo ot: Bega me MaineHousing gi miyo kony me wilo ot pi magoba manok ma pe loce ki kit kony mukene ma weko kit me wilo ot kacel ki bedo ki gang bedo yot bot jo me Maine. Kit cul ma gi lwwongo ni No point, low point kacel ki medo kare me cul me ot tye icingi ma itwero yero acel ki ikingi. Watye ki kit cul ma patpat ma miyo ni kero me culu cente manok onyo labong cente aketa piny, ci ka ce itye ki miti me nongo kony me cente me loro wil, dok bene watye ki mic me cente me loro wil ki me aketa piny. Jo me MaineHousing tye ki gwok me culu wel ot pi dwe kace tic ma meri ocung. Kace itye ki ot ma MaineHousing aye okonyo in kwede, myero ibed ki ngec ni pe ki bicato bot ngati ma pat-bi bedo ki wan kany.

Kony me roco ot/gang ma meri: Bot wan i MaineHousing kany watye ki proguram ma pol me miyo ni kony ki kit me roco ot ma meri ki ka ma myero ki yub. Ki kit apilikacon acel bot jo me Home Repair Network nyo Note pa Loroc Gang, itwero penyo kony ki i proguram me state ki federal ma miyo kony me den ma culu ne nok wek okony yubu nyo loco wang pi nyo paipo me pii, lyeto, mac pa munu, nyo roco ki yaro ot. MaineHousing tye bene ki proguram me weko gi kwany rangi me lead ki i gangi, nyo me weko myero gi cul yubu gangi ki balo ki yamo ajuru nyo mol pii ma gavmente ocwako.

Kony ki wel me culu ot: Culu wel ot pi dwe tye ka mede totwal dok bene pol dano ma pe tye ki tic maber dok bene wel me cul megi tye piny nyo idyere i Maine kany pe ki twero wel man. Kony me culu ot idwe, ma cal vocha me yero ot ma meri, ot ma gi dwoko wel ne piny nyo ma ki culu idyere twero konyo in. Vocha twero konyo in ki culu ot ma itye ki mit iye. Wudi me apanga ma ki dwoko wel ne piny bot lopang ot ki i wel me cuk. Ot me apanga ma wel ne ki dwoko piny en aye ot ma wel ki dwoko wek okony lopang ot. Nying me kiyo kit kony man twero bedo mabor, myero inen nyingi ki coyo pi kit kony ma duc.

Kony Kero me Mac: Kace pe itye ki kero me lyeto gang ma meri, culu wel me mac pa munu, nyo nongo kony ki aloka loka me lyeto ot ma cal mwono ot kare ma twolo, nyonyo manyen me lyeto gang, nyo nyonyo kero mac ma pe tero wel mac ma pol, kit kony jami man duc tye bot wan kany i proguram me MaineHousing. Wek gang ma gi tiyo tic ki wel cente ma piny ki twero nongo kony me lyeto ot, ki roco ot nyo gang labong wel lim ma aa ki bot won gang. Wek gang ma tiyo tic ki wel cente ma malo manok ki twero bene nongo kony ma cal den me culu nyo wilokero me mac.

Kony bot dano ma pe tye ki gang: Ka ce in pe itye ki gang dok bene itye ki miti me nongo ka bedo pi tunutunu, nyo wel ot ma gi dwoko piny onyo kony wek idwok ka cung piny matek, MaineHousing twero miyo kony ki in. Wan wamiyo kony me lim bot jo ma tye ii gang pi tunutunu kacel ki jo ma tye ki miti me ot ma wel ne tye piny, dok bene wa miyo kony bot in me nongo ngec kare ma kony otti man tye iye. Wa tye bene ki kony me pango ot bot jo ma pe tye ki ka bedo dok bene ki tye katic me cung piny matek ikwo ki. I MaineHousing kany kacel ki dul pa lomii kony mukene watye katic kacel me neno ni bedo labong gang i lobo Maine kany ocung.

Me niango ngec mapol ma lubu tic ki proguram me MaineHousing, omyero ilwong wan ki cim inama:

• (800) 452-4668
• (207) 626-4600 nyo 
• TTY (800) 452-4603. 

Kace leb Munu pe tye leb ma meri me anywali nyo pe itye ki niang mapol, lok, nyo coc ki leb man, myero iter komi me kiyo lakub leb ma meri ki bot latic ma mewa wek ki niang in ki ngec nyo kubu lok ma meri bot wan. MaineHousing bi bedo atera ki ngec me proguram kacel ki ngec mapol ma dong ki kwango ileb ma patpat ka itye ki miti . 

MaineHousing pe gi tye ki apoka poka me kit, del kom, dini, co ki mon,kit me nyom, anywali ma meri, te kwaro, mwaka, goro ma meri, nyo tic core pa kaka ma meri, nyo kit me donyo anyim, tim nyo core itic, i proguram,kacel ki tic ma mewa. Wan i MaineHousing wa bi bedo ki kit kero me miyo ngec ki kony ma cen kace ki nyutu ngec bot wan con. Kace ki nyutu ngec bot wan con watwero kubu ngec ma tye bot wan kany i MaineHousing. MaineHousing otyeko miyo kare bot dano ma gi coyo nying ki kany wek ki bed ki loc nyo twero me neno ni cik ma lubu federal ki lobo maine ma pe poko dano dok bene ka itye ki kun peny: Mary Darling, me Maine State Housing Authority, 353 Water Street, Augusta, Maine 04330-4633, i nama cim 1-800-452-4668 (bwot dwan me lobo Maine kenken), (207) 626-4600 (dwan), 1-800-452-4603. (TTY pi lobo Maine kenken), nyo (207) 623-2985 (TTY)